نزول الدوره

طبعا اختي انا ..كانت الدورة مو منتظمة عندي وذلك بسبب ارتفاع هرمون
الحليب اللي هو البرولاكتين..لكن عقب العلاج ..خذيت الدوستينكس..الحمدلله
بفضل الله سبحانه ثم فضل العلاج..صرت احسن..وصارت الدورة تييني..
بس تتأخر يوم يومين وطبعا هاي عادي حسب ماقالت لي الدكتورة..
وانا توني متزوجة..لاحظت بعد زواجي انها تتأخر يومين اوثلاث..وتنزل بكثافة طبعا
لان الهرمونات تتغير عند الزواج..
تحياتي لج..

دمع العيون ...يسلمو على المشاركه
طيب انتي الدوره قبل الزواج ما كانت تيجي معك الا ازا اخدتي دواء؟

انا كانت منتظمه ومن صار معاى الحمل العنقودي صارت ملخبطه ويالله ويالله احمل
واخر ثلاث سنين انقلب عندي الرحم وعندي عسر بالدورة ويستمر معاى الم الدورة مثل الطلق
من بدايه نزولها لين ماتنقطع عني

الدكتوورة قالت لي هذه اعرااض الدورة طبيعيه بالنسبه للي رحمهم منقلب للخلف

الله يشفيك يا رب
يسلمو على المرور

انا كانت دورتي منتظمه بل الزواج وبعده الى حد من شهرين جتني اول شهر بشكل كانه نزيف بعد ان تاخرت علي 10 ايام والشهر اللي بعده قام ينزل علي نقط في الابوال فقط وانتي بكرامه
رحت المشفى عطوني حبوب تنظيم الدورة بس ماشربته لان الدورة تجي بموعدها لكن لخبطه يمكن من التفكير.. وهالشهر تاخرت يومين واليوم جتني بعد نقط ولا اعرف شنو السبب افكر بعد شهر الله اروح اخصائيه واشوف لان من جد تعبت نفسيا
واحس اني ماراح احمل للابد ودوم ابكي مو عارفه شسوي ولا اقدر اشرب ادويه لانها تأثر على معدتي(( اعاني من حموضه بالمعده)) من جذي احس بتعب لحد الجنون
الله يرزقنا واياكم ان شاءالله ذريه صالحه

انا ياقلبي الدوره منتظمه عندي قبل الزواج وتاخرت في الحمل سنه بعد الزواج وبعد هالسنه حملت بس ما كملت فرحتي واجهضت الحمدلله على كل حال المهم بعد الاجهاض بسنه بدت الدوره ما تنتظم تتاخر شهر وبعدها بخمس اشهر بديت تتاخر ثلاث اشهر واكثر سافرت علاج اكتشفت عندي الدكتوره عندي انسداد في الانبوب وارتفاع خفيف في هرمون الحليب قالت لازم عمليه منظار حق فتح الانابيب الصراحه خفت ورجعت ديرتي وبعد سنه من رجوعي من السفر تعبت من تاخر الدوره رجعت سافرت عشان اسوي العمليه وسويت العمليه وبعد العمليه بجم ساعه قالي الدكتور اللي سوى العمليه انه كان شاك عندي تكيس وفعلا كلامه صح طلع عندي تكيس وفي عمليه فتح الانابيب وسوى ثقب حق التكيس والحمدلله انتظمت الدوره

وينكم يا متزوااجات افيدونا
بارك الله فيكم

أنا عندي الدورة ماهي منتظمة ولي سنة وشهرين منذ ان تزوجت ماحملت ورحت للدكتورة وعطتني حبوب قالت تنظمها لك وبعدها انتظمت ثلاث شهور والشهر الرابع تاخرت ثلاث ايام وتنزل بس مع البول نقط قليلة موضوع الدورة سبب لي أزمة والحمد لله على كل حال