و التحدي يجلب السناعة

السلام عليكم ,
صباحكم / مسائكم سناعة
اخباركم ؟؟!!
الفيوتيشيني ,
نسلق مكرونة سلق عادي ماء وملح , الافضل انها تكون طويله بس انا مالقيت عندنا فحطيت العادي ..
نقطع بصل , فلفل اخضر بارد , جزر , دجاج كلهم طوال تقريبا بطول السبابة ..
بعدها نجي نحط زيت ونحمس البصل شوي وبعدين نحط عليه الجزر الى ان يذبل شوي ..
بعدين نحط الفلفل الاخضر البارد الين ان يذبل شوي بعدين نحط الماجي ..
بعده نحط الدجاج الين ما يستوي زين ..
واذا خلص نحط الفلفل الاسود والبهارات والملح فوقهم ..
نحركهم شوي الين ما تستوي زين و نطفي النار ..
الحين نجيب صينيه بايركس ..
نحط فيها المكرونة المسلوقة ..
ونحط عليها حمسة الدجاج ..
بعدين نجيب زبدية - بادية - ..
نحط فيها الخلطة السحرية - على قولة امي - " مايونيز ملعقة , جبن سايل ملعقتين , قشطة علبة " ..
نصب في علبة القشطة ماء الى النص تقريبا بعدين نحطها فوقهم ..
ونخلطهم بالخلاط اليدوي ..
بعدين نصبه في الصينيه على المكرونه والحمسة ..
في الاخير نحط الجبن المبشور " مازرولا " ..
وندخلها الفرن لمدة ثلث ساعة وتحمر من فوق بس ..
وهذا شكلها في الاخير!
أتمنى تكون أعجبتكم ..
ملطوش