وإخيرا سويتها في بيتي شاورما إنتاج وإخراج HONEY

1. نبدأ


2. أنا طبعاً وأنا اصلح الدجااج قمت أصلح الخبز

السلاام عليكم ورحمة الله وبركاته
كيف حالكم وأحوالكم ؟ ؟ ؟
وأخيراا صلحت الشااورماا وأكلتها طبعا بعد مازوجي حرمني منها لأنه شااف اللي شاافه يقول لي إذا باغه أشتري لك لحاالك أما أنا ماني بااغي وانا ماأبغى أكل لحاالي فأصرف نظري عنها وقلبي بيطق يبغااها
والباارح بفضل الله سويتها في بيتي بمسااعده بسيطه من زوجي وطبعاا كل أبووها انا اللي مسويته
الطريقه ..
أول شيء جبت صدور دجااج وقطعتها مربعاات وغسلتها بعدين حطيت عليها نص علبة زباادي وبهاارات وكمون وفلفل أسوود وخليتها تقريباً 3 سااعاات
بعدين سويت العجينه حقت الخبز اللي هي
دقيق تقريبا كوب ونص (كأسة الجبن الصغيره) +ملعقه كبيره حليب بودره+ذرة ملح+ملعقه صغيره خميره وباكينج بودر+
شوي سكر (طبعا أنا ماأدري هم في الأسااس يحطوون معها باكينج بودر وإلا لا )
نعجنها سوا بمويه دافيه لين تصير عجينه متمااسكه بعدين نكورها كور صغيره
طبعاً خلي في باالك إنو كل كورتين راح نفردهم سوواا يعني مثلاً أنا كورت عشر كور وفي الأخير جاتني كمية الخبز 5
وننغطي عليها ونخليها تقريباً نص سااعه تتخمر ((بس هاه إنتبهوا من النمل لايأكلها عنكم خ))
يوم إني قربت أسويها ..قطعت كل شيء وجهزت كل شيء خليته عندي
للدجااج >> قطعت بصل شرايح وفلفل رومي وبشرت جزر حطيها في القدر وحطيت عليها زيت زيتوون وخليتها
للخبز >> جهزت الطاوه ومسحت الدولااب بشوي مويه وحطيت عليها سفره حتى تلصق وأفرد عليها الخبز >> فكره حلووه جربوها بتريحكم
والبطااطس المقلي >> قطعته بشكل طوولي ونقعته في مويه حتى مايسوود وإذا قربت أخلص قليته في الزيت

نبدأ

ولعت الناار ع القدر وخليت البصل وخويااه يتحمروون بعدين حطيت عليها الدجاج وقلبته (( اللي يخلي لي زووجي هو اللي قااعد يقلب فيه )) وطبعا تحطي عليه الملح وشوي بهارات وتقلبين فيه لين تحسين إنها إستووت وقفلي عليها ((وجيبي فنجاال وحطي فيه زيت وحطيه في القدر وحطي عليه جمره وغطي عليه >> شفت فرروحة الإماارات تسوي كذا وسويت مثلها ^_^))

أنا طبعاً وأنا اصلح الدجااج قمت أصلح الخبز

دهنت السفره بزيت (( طبعا أنا من أول قلت إني أحط سفره ع الدولاب وأفرد عليها )) وحطيت عليها كوره بعد ماضغطت عليها شوي واحط ع الكوره زيت وبعدين أحط عليها كوره ثاانيه وأدهنها بزيت وأفردها وامسحها بشوي زيت وأحطها ع الطاوه وأخلي الجهه اللي مسحت عليها الزيت تحت وأخليها لين تنتفخ وأقلبها ع الجنب الثااني وهكذا لين تخلصين الكميه وخلي الطااسه اللي تحطين فيها الخبز شووي فيها تهويه حتى الحرااره تطلع ومايتعجن معك أو بين كل فتره وفتره إفتحي عنها بس لاتطولين وتخلينها فاتحه يعني إذا شفتي إن الحرااره طلعت غطيها والسفره إرميها في الزبااله (( الله يكرمكم )) وإرتااحي ^_^
وبعدين إقلي البطااطس وإذا خلصتي ونشفتيه من الزيت حطي عليه ملح
وتكونين من أول مجهزه سلطه عااد ع اللي تحبين حطيها في سلطتك (( انا زوجي فديته اللي قطع السلطه ^_^ ))
وبعدين تجيبين الخبز وتدهنينه جبنه بعدين تحطن عليه الدجااج والبطااطس و السلطه وترشين عليها بقدوونس ولفيها وثبتيها بأعواد
انا حطيتها في الفرن لين ماأروح أخذ لي شوور بس ماطولت حتى ماتنعدم الشاورما
(( ي تقطع قلبي اللابتوب علق وبعدين نزل ع تحت ع باالي إن اللي كتبته كله رااح *_* )) نكمل ..
لاتخلينها تطول في الفرن لأن فيها سلطه مانبغااها تصير حااره
وحطيها في صحن وجيبي مشرووبك المفضل أنا أخذت معها سفن شيء بارد وزوجي قال يبغى عصير ^_^
وصح نسيت قبل لاتاكلينها غسلي الأواني اللي إستعملتيها كلها حتى ماتكرهينها بعدين
وبس عووافي ع مقدماً
واللي تسويهاا تقول لي رأيها فيهاا (( طبعا أنا ماخليت موضوع عن الشاورما إلا ونظرت فيه وفي الأخير أخذت من هنا ومن هنا ^_^ ))
طفشتكم بالهذره
خلااص خذوا هذي صورهاا
هاه وش رايكم فيني سنعه
ربي يحفظكم ويرعاكم