الله يوفق اللي تشارك وبعد كل الفراشات ولا تزعلون

هلا ريم البراري كل عام وانتي بخير
صياما مقبولا ودنبا مغفورا ان شاء الله
بصراحه للاسف اليوم مو صايمين احنا
بكره هو اول ايام شهر رمضان المبارك
الله يعيننا واياك علي صيامه وقيامه

مشكوره اختي ريلام والله يتقبل من جميع المسلمين انه سميع مجيب الدعاء
نسيت الصيام اليوم اعتقد بالامارات والسعوديه ما يخالف اعذروني اتمنى موضوعي يعجبكم خلينا نستفيد من بعضنا البعض يعني في كل شي يخص رمضان في قراءه القران والاكلات وطريقه التحضير وتنظيم الوقت
طبعا البارح لما دريت انه رمضان حست حوسه طبعا صار لي اسبوعين وانا اجهز لرمضان من اوني واكلات وتنظيف للبيت عامه وللمطبخ خاصه لان نص الوقت بيكون فيه ولازم يكون نظيف ومرتب لما جا الليل دخل زوجي ومعاه كيسه قلت الحين جايب لي هديه الا ودخله المطبخ عرفت في الموضوع انا لما فتحت الكيسه وش تتوقعون لقيت فيها اتمنى الاجابه ههه طبعا ما نمنت الا بعد الفجر من الفرحه ولا صحيت الا في العصر طبعا صليت الظهر ونمت نجي الحين لمربط الفرس واهي الاكلات اللي عملتها طبعا لا تعد ولا تحصى خ امزح معاكم انا وزوجي فقط وش تتوقعون سويت
طبخت معكرونه بالباشميل
شوربه بالشعيريه
وكريمه
وعصير توت
وسمبوسه
وكثر الله خيري
والحمد لله على النعمه
عرفتو ا الحين برنامجي واتمنى من كل الفراشات اللي تدخل الموضوع لا تمر مرور الكرام لانه ما راح ياخذ منكم دقايق حتى اذا ما اعجبكم موضوع قولو بكل صراحه وجعلها الله في ميزان حسناتكم
ما صار موضوع صار شحاثه ههه

السلام عليكم ورحمة الله وبركاته
هلا فيك حبيبتي ...وكل عام وأنت بخير وشهر مبارك عليك....
واسمحي لي اسمك حلو مرة....
بالنسبة لطلبك عن جدولي اليوم ابشري غالية وطلب رخيص .....طبعا مانمت الا الساعة ثمنية ونص...الصباح. الحمد لله أديت بعض الامور من قرآن وذكر...وصحيت وحدة ونص وكنت مرهقة جدا صليت ورجعت نمت أمي الله يسعدها وأختي عطوني الضوء الاخضر قالوا ارجعي نامي شكلك تعبانة.....المهم وصحيت أربعة ونص.....صليت ودخلت معهم المطبخ...وسويت حلى الجلي وجهزت أغراض السفرة....طبعا ماكثرنا أكل ...سوينا سمبوسة وشوربة وسلطة وحلى وعصيرات طازجة ....لاننا مرهقين من قبل والوالدة ماتحب نكثر لانه ماحد ياكل الاغلبية مسافرين.....
وبعدها شفنا برنامج مسارات بالمجد....وصلينا التراويح .... وبعدها شفت برنامج في سمارت وي طبي....وعلى خطى الحبيب بأقرأ لعمرو خالد....وبعد كذا الاهل ناموا وأنا على النت أقرأ موضوعك وارد عليه....وشوي وبنام لان نوم الليل أساسي من شان الواحد يصوم صح ويعبد الله صح.....وجزاك الله خير عيوني ..

ريم البراري
هلاا وغلا انا توني جديده
وشفت موضوعك وقلت ماراح اكسفك ولا ازعلك
اقولك وش سويت في اول رمضان ماخليت شي لماسويتها
ام
سويت صينيه اسمها الخطيره وسويت جريش وسويت مرقه لوبيا وشوربه
وسويت اللقيمات وسويت كبه باللحم وسويت شعيريه وسويت بريد محشي باللحم واغطيه بالبقسماط
وسويت حلى سميد وسويت حلى زبادي وجلى
هاه وش رايك خ
والله هذا كان فطورنا وهذا اللي سويته واهلي استانسو منها خ
وش رايك يالغاليه

مشكوره حبيبتي زهره الربيع ويعطيك العافيه تصدقين استفدت منك معلومه مهمه النوم مبكرا والله احاول اخلص شغلي بس الحق انام ساعه على الاقل جزاك الله خير
مشكوره اختي اطياف حبيبتي انتي صدقيني والله ما راح ازعل بالعكس اقدر اخواتي الفراشات وكلا له ضروفه الخاصه بس انا وزوجي اكل ومرعى وقله صنعه خ بالنسبه للاكلات الي تسوينها راح تنهلك روحك كل يوم زانتي تسوينها عاد لا تعودينهم وحده تبغى تفرق ههه بالعافيه لاهلك وترافطور الصائم له اجر والله يكتب اجرك واجر جميع المسلمين
معلومه مهمه جدا احب هذا المنتدى واللي فيه وكل يوم يزيد حبي لكم

حبيت اشكرك علي الموضوع وبشارك معاك بالرد السريع لاني ما اشوف الكيبورد من التعب
شوفي غاليتي اول شي حتي تكوني بالصوره ما عندنا شغاله يعني الشغل كله علي راس اختك في الله شعله
يعني من الظهر الساعه 12 ونصف تقريبا اصحي اصلي وعلي طول المطبخ ما اطلع الا لصلاة العصر والمغرب احضر الفطور مثل اليوم كان فطرونا الي سويته
1- صنية توست بالدجاج
2- معكرونه بالباشمل
3- بطاطس بالكزبره والثوم
4- شوربة عدس
5-وقطايف بالجبن
وغير العصائل ولبن والماء
الحمدلله اطفرت وصليت المغرب وبعدها رجعت للسفر شلت المواعين من السفره للمطبخ والله لا يراويك من مواعين :( :( اخذت باقي الاكل من الفطور وحطيتهم بمواعين ثانيين لسحور وعلي ما نظفت الصاله من السفره والمواعين وديتهم المطبخ اذن العشاء صليت العشاء وبعدها التروايح وشمرت الذراع والملابس وربك واحد دخلت المطبخ من بعد صلاة العشاء غسلت المواعين والمطبخ والغاز ما خلصت الا الساعه 10 وبعدها سويت بسبوسه + قهوه+ كيكه فليك الا الساعه 11 دخلت غرفتي غيرت ملابسي بعد الحوسه كلها طبعا بعد الشاور المهم فتحت النت ودخلت لاغلي موقع الفراشه تقريبا لي الساعه 12 وشوي وبعدها جاني اتصال اجهز السحور الساعه 2 وشوي يكون السحور جاهز ولا زم يكون فيه رز ابيض مع الروب اضافه علي الاكل المتبقي من السحور قمت من النت ورجت للمطبخ سويت العيش وسخنت الاكل وحضرت الاكل كله علي الطاوله وناديت البيت كلهم يتسحروا اتسحرنا ولله الحمد والمنه وبعدها رحت المطبخ وغسلت المواعين السحور وطلعت من الفلييزر الدجاج وغيره لبكري باذن الله الفطور وبعدها اذن وصليت ورجعت النت بع الذكر ولله الحمد والحين ادور فراشي ابي اغوص انام لاني مره تعبانه
هذا بالتفصيل الممل برنامجي اليوم واراكم علي خير باذن الله بالله عليكم تدعون لي ان الله يكفيني عيون الناس ويعطيني الصحه والعافيه اختكم ومحبتكم في الله شعله

مشكوره حبيبتي شعله الايمان والله يكون بعونك صراحه والله تعب بس ما شاء الله ان شاء الله يكتب لك الاجر

ههه إختي شعلة الإيمان صراحه ضحكتيني !!!!!!
يومك خطير موو سهل خاصة يوم تقولين ( شمرت الذراع والملابس ) ههه الله يوفقك ويساعدك ويحفظك من شر كل عين
أنا اوما أدراك ما أنا 0000 كل نشاطي وقوتي حطيتها في أول يوم من رمضان سويت اللقيمات وعصير قمر الدين وكريمه بس ههه كثر الله خيري 0000 طبعا والشوربه والسمبوسة والرز والسلطة وغيره على خالاتي وجدتي الله يوفقهم 0000
بس يافرحه ماتمت جدتي وخالاتي سافروا اليوم 0000 ومابقى إلا أنا 000 والليلة شايله هم المواعين والسحور وفطور بكره 00000000000
وعندي الحل 0000 كلمت أخوي الكبير وقلت له ( إسمع بكره عليك السمبوسة والسلطة مفهوم ))
وأنا عارفه إن تعليماتي ماراح تودي ولاتجيب 0000
يعني اليوم بتسحرتمره 0000 والفطور 000 بسوي ساندوش جبن 000 وآآآآآآكله 000 وماعلي من أحد 00 المطبخ والثلاجه موجودة اللي يبي يطبخ ههه
000000 تحذير هام 0000
يمنع منع باتا تقليد برنامجي في رمضان لأنه خاص فيني 000 وتم التحذير خوفا على حدوث ردة فعل من صايمينكم 00000 لأنهم لو مالقوا فطور بيحوسونكم وبياكلونكم 0000 عشان كذا تم إبراء الذمه 000
ودمتم سالمين0000