سمبوسة بالفرن

كل عام وانتم بخير

74 مشاهدة ولا رد . ليش طلبي غريب ولا صعب . سبحان الله العظيم

والله ماأعرف بس( أظن ) ترى مني متأكدةإنها نفس طريقه القلي بس الفرق إنها من غير قلي يعني تلفيها وترصيها في صينيه وعلى الفرن بس لا تطولي لانها ما تتحمل الحرارة القويه( واتمنى البنات يفيدوكي بس ماحبيت أخرج من غير رد )

كل عام وانتي بخير
شوفي حبيبتي رصيها فالصينيه وحاولي تدهنيهاخفيف ع الجنبين بزيت خفيف
بس عشان تتحمر معك كويس وخليها ع نار هادئة
وبالعافيه ع قلوبكم
دعواتك لي بالوظيفة والرزق الحلال

تدهن بيض معوه شوي حليب
وتدخلينه الفرن بس كذا

انا اغمسها بحليب وتطلع جنان

الله يعافيك ويعينك على صيامه وقيامه ...ومالك الا الأجر ماشاء الله عليك
انا زوجي مايحب السمبوسه الا بالفرن ..
شوفي اخلطي بيض مع حليب يعني مثلا بيضه مع كوب حليب (وبامكانك لو بقي منه تخليه لبكره)
وغمسي السمبوسه فيه وحطيها بالفرن ولا اذا عندك (الشوايه الصغيره سخان الخبز)تضبط فيهاا
المهم اول ماتطلعيها من الفرن تكوني مجهزه علبه تفرشين بأرضيتها كلينكس
وحطي السمبوسه بالعلبه على طول وحطي عليها منديل برضه وسكريها لين وقت التقديم
السبب من انك تحطيها بالعلبه حتى تصير لينه من البخار وماتصير قاسيه
وتقدري برضه تسوي السمبوسك اللي انتي تعجني عجينتها
وهي عباره عن كوبين دقيق و ربع كاس زيت وذره ملح وماء حسب النظر
تفرديها وتحشيها وتحطيها بالفرن وتدهني الوجه بالبيض وبامكانك تحطيها بالفريز لبكره ...
كل الطريقتين مجربه بالفرن ومره حلووات وخاصه الثانيه احبها
وبإمكانك تسوي مطبق لو هي ماتحب السمبوسه لان المطبق نفس مكونات السمبوسه لكن بدون قلي وانا احبه حيل لانه بدون زيت وسهل تصليحه لو بغيتي طريقته عطيني خبر ...
بالتوفيق اختي

كل عام وانتم بخير
انا زوجي مايحب المقليه
طريقتي روعه
ادهن السمبوسه بشوية زيت من الجنبين وامسح الصنيه خفيف مره بزيت
وادخلها الفرن
روعه
وبالعافيه

ماشاء الله عليك ياهجير افدتيني وافدتي كاتبة الموضوع
يعطيك الف عافيه وماقصرتي وان شاء الله بطبق الطريقه الاولى
مودتي