مندى الدجاج بالفرن حاجه تفتح النفس واو

بسم الله الرحمن الرحيم
و
الصلاه والسلام على رسول الله صلى الله عليه وسلم
انهرده هنعمل
اكله تحضيرها سريع
لكن
بتاخد وقت شويه فى الفرن
بس تحفه جنان
مندى الدجاج بالفرن
يلا نشوف المقادير والطريقه مع بعض فى الشرح
مع الصور
اولا :- اجيب الدجاج واعمل فتحات فيه بالسكينه واحطه فى تتبيله حلوة قوى عباره عن
بهارات دجاج وملح وفلفل وكمون وقرفه وخل وليمون
وتوم وماء بصل
وكركم علشان يدى لون حلو
واتركهم فى التلاجه ليله كامله
بالشكل ده
ثانيا :- فى حله لطيفه كدا هنحط الارز بعد غسله
وبطل مقطه وطماطم وجزر مبشور وفلفل اخضر ممكن حار وممكن لا
ونحط كمان التوابل
ليمون اسمر
هيل
عيدان قرفه
قرنفل
ملح وفلفل
ثالثا :- نيجى بقى فى الفرن ناخد الشبكه بتاعه الفرن ونحط عليها الدجاج
وتحتها بالظبط الحله اللى فيها الارز وباقى المكونات
علشان البخار يسوى الدجاج
وكمان كل السؤائل تنزل فى الحله نفسها
نسيب الدجاج فى الفرن عالى الحراره فى الاول وبعدين نخفض الحراره
وكل شويه نقلب الدجاج على كل جمب
اول ماتستوى الدجاجه نحطها مع الارز
ونجهز فحم فى ورق الومنيوم
ونحطه فى النص علشان
يعطى ريحه الشوى للدجاج
بالشكل ده
ياريت نغطى الحله شويه علشان ريحه الفحم تتخلل الدجاج والارز
ده شكلها النهائى يارب تعجبكم
تحياتى للجميع
ام ابراهيم