أدوبوه أكله فلبينية

المقادير :
صدور دجاج تقطعينهم مكعبات شويه كبيره او انتي واللي تحبينه
بصله وحده مفرومه
5 فصوص ثوم مفرومتين
صوص الصويا (( الكميه راح اذكرها مع الطريقه ))
خل
شويه فلفل اسود
بطاطس مقطوعه مكعبات
4 او 5 حبات ورق الغار
الطريقه :
1 - تنقعين صدور الدجاج في مقدار استكانتين صوص الصويا و3 فطوص ثووم مفرومتين وشويه فلفل اسود لمدة 30 دقيقه (( نص ساعه ))
2 - عقبهاا تبتدين الطبخ اول شئ تطبخين البطاطس بشويه زيت لين ما البطاطس تتحمر وتحسينهاا استوت تشلينها من القدر وتخلينها على جنب (( هالطريقه راح تحفظ حجم البطاطس ))
3 - وعقب بنفس القدر والزيت اللي طبخنا فيه البطاطس نحمس الثوم وبعده على طول البصل لين مايذبل شويه اتحطين الدجاج بكل مافيه من الثوم والصويا وتخلين الدجاج يستوي ويتغير لونه ولازم اهني تغطين القدر لين مالدجاج يستوي وينضج بتغيير لوونه وماياخذ وقت
4 - وبعدين اتحطين نص كاس ماي وتخلينه شويه يطبخ الماء دقيقه بس
تحطين الخل (( اقل من الاستكانه بشويه )) وترجعين تخلطينهم جميع وتلاحظين تطلع فقاعات شويه على طول تحطين استكانه صوص الصويا وتخلطينهم مع بعض مع شويه فلفل اسود وورق غار .
5 - وترجعين اتضيفين البطاطس معاهم بهالوقت وتذوقين الطعم اذا لاحظتي الحموضه الواضحه ...حطي شوية ماي علشان تروح حموضه الخل وراح يتكون لج مثل الصوص الغامج بلونه نتيجه صوص الصويا .

• *ملاحظه جهزي عيش ابيض او زعفراني اللي اتحبينه وتقدمينه وهو حاار على طول .