الحنيذ دجاج ولحم وصل وبالصور من المطبخ اليمني

السلام عليكم ورحمه الله وبركاته
كيفكم يابنات
اليوم عملت لكم حنيذ
طبعا كان مره لحم ومره دجاج
روعه ياريتكم كنتم معي
لكن يلا هذه الطريقه واعملوها وشوفوا كيف الطعم ياسلام ياسلام
اولا نبدا بالدجاج غسليه كويس
وحطي في صحن هذه البهارات ملح وفلفل وكمون وكركم وهيل مطحون ناعم
واخلطيهم كويس وبهري الدجاج كويس وحاولي تعملي فتحات بالسكين عشان البهارات تتدخل لداخل
وبعدين جيبي القصدير وحطي الدجاج فيه
وطبقي القصدير وحاولي يكون مغطى كويس
هكذا انتهينا من الدجاج
سهل كثير صح ؟؟؟
نجي لعمل حنيذ اللحمه
طبعا نعملها بهارات زي الدجاج تماماَ وهذا شكلها
وهذا شكلها بين القصدير ..
ياحرام شكلها مستحيه
وبعدين نجيب طاويه وياريت لو تكون تيفال وخلي فيها ماء الى المنتصف
وخلي بينها الحنيذ زي الصوره :angry2:
وغطيها بطبق محكم
وخليها اولا على نار عاليه وبعد ساعه خفضي النار وافتحي عليها شوفي لو نشف الماء زيدي عليها ماء
الدجاج خليه من ساعه الى ساعه ونصف حسب حجم الدجاجه
واللحمه خليها ساعتان ونصف لو هي طازجه ( على فكره احنا مانحب الاطازج لانه مافي احلى منه )
ولو هي مثلجه بصراحه مالي خبره يمكن تحتاج وقت اكثر
وهذا شكل الدجاج
وهذا شكل اللحمه ..
على فكره لو في معاكي فخار بيكون حلو كمان
خلي الحنيذ فيها وخلي فيه ماء الى المنتصف
شوفوا الصوره
ويارب يكون عجبكم الطبق
تحياتي لكم