المرقي الايدام الهندي من مطبخي بالصورة

السلام عليكم .. كيفكم ؟ ورمضان مبارك عليكم
(( اللهم اختم لنا رمضان بغفرانك والعتق من نيرانك ))
بما اني استفدت كثير من هذا المنتدى الغالي حبيت اليوم اشارككم بطبق خفيف وسهل ولذيذ
سويت المرقي اليوم وطلع جنان بقول لكم على طريقته بس اول شوفوا الصورة
معليش ماحطيت في بالي اني بانزله لكم كان رتبته وزينته وصورته بالخطوات
وهذي صورته
وهذي اقرب
المقادير والطريقة ::
بصل مقطع شرائح او صغير على كيفك حمسيه في زيت لين يحمر بعدين حطي الثوم المدقوق وحركي
بعدين الدجاج المقطع وفلفل رومي مقطع طويل وفلفل حار (حسب رغبتك) وزنجبيل مبشور وبهارات مشكلة وبهارات الدجاج ( انصحكم بشركة اسناد ) وكركم وملح خليه يتسبك مع بعض
بعدين حطي طماطم مفرومه وبعد نضجها حطي بطاطس مقطع طولي وممكن تستغني عنها ( زوجي وعيالي يموتوا في البطاطس) وبعدين حطي مويه شويه وقفلي القدر والافضل يكون قدر ضغط
بعد ربع ساعة قفلي النار واستمتعي بطعمة
وبالعافيه على قلوبكم