الي تساعدني الله يرزقها الجنه

وعليكم السلام اختي الغاليه
الحمدلله اني اول وحده ترد عليكي والله الله بالدعاء تكفين
ياحبيبتي اولا كويس انك سألتي عن محشي الملفوف لاني متخصصة في المحاشي وبذات الملفوف
شوفي ياطويلة العمر وبدون لف ولا دوران وباحاول ابسط الطريقة :
اولا خذي الملفوف وقطعي الورق قطع متوسطة حسب رغبتك بالملفوفة صغيرة اومتوسطة اوكبيره
وبعدين اسلقيها نص سلق يعني لا تطولين عليها النار بعدين تتقطع يعني اول ماتغلي المويه سقطي ورق الملفوف وخليه دقيقة واحده وطلعيه في مصفي طبعا اضيفي ملح وكمون للماء المغلي
بعدين جهزي الحشوة - رز صنوايت منقوع - لحم مفروم حسب الرغبة - بقدونس - فلفل - بهارات حسب الرغبة - بصل -ثوم - طماطم حسب رغبتك
سوي الحشوة بالطريقة المعروفة وبعدين احشي الملفوف ورصيه بقدر بعد ان تفرشي في قعر القدر وتغطيه من ورق الملفوف الاخضر الني الي ماهو مسلوق علشان لواحترق يحترق الورق وبعدين ذوبي ماجي مع مويه او اذا عندك مرق طازه صبي فوق الملفوف بس لا تحاولي تكثرين يعني حتى يتغطى ثم ابشري ثوم حسب رغبتك وغطيه بصحن او غطى قدر واكبسي المفوف علشان مايتفتح عليك ثم غطي القدر وخليه ربع ساعة على نار هاديه وبالعافية
بالنسبة للخضار عندي طرق كثيرة بس الليله ان شاء الله لاني رايحه الدوام حبيبتي
بس ذكريني على الخاص

مرحبا
صواني الخضار كثيره انا احب البطاطس وعندي طريقه حلوه
المقادير بطاطس فلفل اخضر رومي جزر كوسه حسب عدد الاشخاص بصل وثوم
قطعي هذه الخضار نفس شكل البطاطس المقليه بالطول وحطيها في مقلى مع زيت الثوم لا تقطعينه حطيه زي ماهو فص والبهارات والماجي وحركيها في الزيت ليين ماتحسين انها استوت نصف استواء ولا تغطين القدر عشان مايجيه ماي بعدين حطي عليه شوية ماي يعني كوب وغطي القدر الين يستوي الخظاروحطيه في صحن التقديم يفظل بايركس حق الفرن
لعمل الصوص واحد لبن زبادي مع 3 فص ثوم و2 ملعقة مايونيز و1 ملعقه جبن سائل واخلطيهم في الخلاط وحطيه على الخظار ودخليه الفرن 5 دقايق وبالهناء والشفاء يناكل مع الخبز
قدميه مع صحن متبل وصحن فتوش واي حلى انت تحبينه وكذا يكون عندك سفره كامله
اذا ودك بصواني ثانيه راسليني وانا في الخدمه00 هذا اذا عجبك هذا الطبق