ايدام هندي سعودي بالبطاطس والزهرة يم يم لا يفوتكم

السلام عليكم ورحمة الله وبركاته ..
صيفية مباركة .. كيفكم مع الحر ؟؟؟
هذي أول مرة أجرب أكتب لكم طبخة لو عجبتكم بحاول أتعلم للصور وأنزلكم طبخات مصورة ..
بس قولولي .. وأبشروا ..
نبدأ على بركة الله بالايدام اللي أصله هندي بس عدلت فيه ليناسب ذوقنا السعودي..
المقادير كالتالي :
دجاج صدور .. تقطع مكعبات متوسطة ..
بصلة متوسطة ..
بهارات اللي تحبي بس الفلفل والكمون أساسي .+ ماجي + صلصة طماطم ملعقتين ( معجون )
ثوم مهروس + كزبرة مقطعة + شوية زنجبيل أخضر ..
بطاطس مكعبات وزهرة ( قرنبيط ) مقلي ثلاثة أرباع قلية ..
الطريقة بكل بساطة :
حمري البصلة ولما تبدأ تحمر أضيفي الثوم والزنجبيل وواحدة ماجي وأضيفي الصلصة قلبي دقيقتين أضيفي الدجاج شوحيه وأضيفي كل شوية قطرات ماء ساخن عشان ماينحرق ..
أضيفي البهارات واستمري في التقليب ثم الخضار وكمان قلبي بس شوية شوية لاتنهرس من الحماس ..ههه
أضيفي موية حارة شوية لأن الايدام دا مويته قليلة ..
لا تنسي إن الخضار مستوية ..
لمحبات الفلافل أضيفي ما شئت من قرون الفلفل الأخضر المقطع ..
خلاص حان الآان وقت التذوق .
خذي قطعة عيش ( خبز) وسمي اله وذوقي لو نقص ملح أضيفي أرمي الكزبرة قلبي لآخر مرة ..
أطفي عليه و قدميه مع رز أبيض وسلطة ..
عوافي على قلوبكم ...