برياني رهيب وسهل لا وصور ولا أحلى والطعم واو

السلام عليكم ورحمة الله وبركاتة
اليوم خواتي جايبتلكم طريقة برياني رهيب مرة لا وسهل بعد ...
وهذي المقادير:
دجاجة مقطعة قطع صغيرة أو صدور دجاج يكون أفضل
علبة زبادي
بصلة مقطعة قطع صغيرة
بقدونس وكزبرة
بهارات البرياني وإذا مافية مافي مشكل بس لازم تحطين معها هيل ودارسين ومسمار عشان تعطي نكهه
والحين نجي للطريقة:
أول شي نحمس البصل لين يتحمر ونحط عليه الدجاج ونحرك لين يتغير لونه وبعد كذا نضيف له البهارات
والملح والبقدونس و الكزبرة ونحرك زين وبالنهاية نحط عليهم علبة زبادي ونخلطهم زين ونغطيهم لين
تستوي الدجاجة ونحاول إنها ماتنشف مرة يعني يبقى فيها شوي ماء..
الحين نجي للرز ..وكلن حسب طريقته أنا بصراحة أسوي رز أبيض مع ماجي فقط..
طبعا طريقتي في التقديم إني أحط نصف الرز أول شي في صحن وبعدين أحط الدجاج وبعدين أغطيه بباقي
الرز ...
طبعا أقلبه في صحن التقديم وأزينه ببصل مقلي وليمون وكل وحده وإبداعها.. وهذا شكل البصل بعد القلي
وهذا الشكل النهائي
وصحتين وعافية على قلوبكم .... ولا تحرموني من أرائكم....