تاكو تايم رول طبق جديد يم يم لا يفوتكم

اسم الطبق ... تاكو تايم ... انا سميته جذي لانه الطعم اللي حصلته شبيه بأكله كنت آكلها في مطعم مكسيكي عندنا بالكويت اسمه تاكو تايم بس للأسف صك :(
المهم ما اطول عليكم واخليكم مع المقادير والطريقة
المقادير:
عجينة سمبوسة ... ويفضل النوع العريض والكبير
الحشوة:
دجاج مقطع قطع صغيرة ومتبل بفلفل اسود وشوية بهار ونقاط ليمون
مشروم مقطع
شوية بصل مبشور
فصين ثوم مهروس
4 ملاعق كبيرة جبنة كريم ( كرافت او المراعي او غيره)
8 ملاعق كبيرة صلصة الرانش (صلصة بيضا موجوده في قسم الصلصات في السوبر ماركت واسمها Ranch
للتقديم : صحن تقديم صغير وعميق فيه صلصة رانش للتغميس
الطريقة:
نحط الدجاج المتبل على النار واما انك تسلقينه او تقلبينه على شوية زيت الى ان يستوي
بمقلاة ثانية نقلب الثوم والبصل ونضيف عليه الدجاج والمشروم ونقلب المقادير
نبعده عن النار ونضيف عليه الجبنه و الصلصة
راح تكون عندك الحشوة مغطية بالصلصة بس حطي بالك لا تكثرين حتى لا تصير مره
بعد ما تبرد الحشوة نحشي العجينة ونلفها على شكل رول
نقليها ونقدمها حارة ولازم تحطين جنبها صحن صغير في صلصة الرانش حتى الواحد يغمس وياكل
صدقوني راح تعجبكملان طعمها رهيب
وبالعافيه
.