تورتيلا بالروبيان مشاركة في حملة دلع وسنع

1. صوص ( تشوفونه تحت )

السلام عليكم
كيفكم بنآت ؟!
اليوم حبيت انزل لكم طبخة بما اني شاركت في دلع وسنع وهذي اول مشاركة لي
يلا بسم الله
الطبق عبارة عن سندوتشات روبيان أو بالاحرى تورتيلا بالروبيان
المقادير :
روبيان متوسط ( مكتوب على الكيس منظف ومقشر مع الذيل )
تورتيلا
حبة كبيرة بصل أو حبتين متوسطة مقطعة
حبة طماطم مبشورة
فصين ثوم كبار او 3 متوسطة
نص ليمون كبير
فلفل اسود
وزنجبيل مطحون ( عشان ريحة الروبيان ) تقريبا ربع ملعقة صغيرة أو راس الملعقة ممكن
نص مكعب ماجي
ملعقتين طعام كاتشب
جبن شرايح

صوص ( تشوفونه تحت )

الطريقة : قطعي ذيل الروبيان وبعدين حطيه في صحن وحطي عليه تتبيلة عبارة عن ( ليمون والفلفل الاسود والثوم والزنجبيل واخليه على الاقل 5 دقايق )
وبعدين جيبي قدر الطبخ وحطي فيه مقدار غطائين زيت وشقري البصل وحطي الطماطم والروبيان بصوص التتبيلة وحطي الماجي وشوية مويه ( يعني تقريبا 3 ارباع كوب مويه وممكن كوب اهم شيء يوازي الروبيان مايغطيه ) وغطي القدر وارخي النار على اخر شيء عشان يطبخ مضبوط وأنا حطيت قرن فلفل عشان بس يطعم ويعطي ريحه حلوة
تقريبا يحتاج من20 إلى 25 دقيقة
وبعد ماينتهي الوقت إذا المويه مانشفت كاملة ارفعي النار إلى ماتنشف الموية وبعد ماتنشف حطي ملعقتين كاتشب وحركي لمدة دقيقة الى دقيقتين وطفي النار بس قبل شوفي الملح اذا يحتاج ولا لا
نجي لطريقة حشو السندوتشات :
اول شي نجيب التورتيلا
وناخذ الجبن الشرايح ونقطعه لاربع قطع بالطول ونحط قطعتين من الجبن تحت بعض وبعدين نحط الروبيان فوقه
وبعدين نحط الصوص
وهو عبارة عن مقدار متساوي من الكاتشب والمتبل رانش من قودي نخلطهم بصحن ونضعه فوق الروبيان ( بس مو كثير )
وبعدين نحط خس
ونلف التورتيلا ونقطعه من النص ويقدم
.. .. وبالهنا والعافية .. ..