جيت من جديد مع وجبه من مطبخي تفضلو

1. الدجاج ( البروست )طريقة:

صباحكم فل وياسمين صراحه مو خساره الواحد يتعب وينزل موضوع وبالصور كمان إلا أنكم تستاهلو أكثر من كذا المهم أخبارك وش مسوين عساكم مبسوطين ...... عارفه بتقولون أخلصي طيب طيب
اليوم راح أنزل غداء حق أمس مع الكيك حق العصريه عاد العصريه لازم أكل ههه
وراح اكتب الطريقه لكل طبق
الطبق الاول أرز حبه طويله الطريقه : بصل يتحمس مع زيت ويضاف له كمون صحيح ومطحون وشوي هيل صحيح وقرفه ونخليها اللين يطلع ريحتة القرفه والهيل والكمون
بعدها نضع الأرز مع التقليب حتى يصبح لون أشقر مقرمش
ثم نقطع طماطم ضغيره ونضعها على الرز وتحرك بضافة الملح والمهران الحار وتترك اللين تستوي وتقدم

الدجاج ( البروست )طريقة:

أول شئ يقطع الدجاج شرايح طويله وعلى حسب رغبتك وتنظف تماما ويضاف لها الملح والفلفل الحار والفلفل الأسود الهندي ويترك دقايق اذا كنتي مستعجله ويضاف لها البيض وفي صحن ثاني فيه الدقيق يغمس في الدقيق ثم ترجعيه للبيض مره ثانيه وتقليه وصحه وعافي ترى ابدعت في صحن الدجاج ههه فاضيه هو اخر صوره صغرتها علشان كذا الأبداع
بطاطس المقلي ( وهي المعتاده لا يحتاج شرح )
سلطة الطماطم طعيمه بشكل وخاصه مع البطاطس طريقتها : طماطم توضع في الخلاط ويضاف عليها المهران والملح والكمون المطحون والشطه الحاره و ثوم وشوي شوي هاه مويه وتخلط ووتقدم
إما سلطه الطماطم والخيار تقطع حلقات انا شلت بشكل طولي من الجوانب وقطعتها حلقات وطماطم مقشوره ورشيت سماق
أما طريقة الكيك : يوضع في الخلاط حبتين بيض يخفق تمام ثم يضاف اليها الفانليا ويترك دقيقتين والخلاط شغال ثم بعد يضاف الحليب ويكون كأس ويخلط ويخلط ويخلط ههه اللين يطلع له رغوه بعدها السكر كمان كأس ويترك يخلط ويخلط ههه عارفه خلاص ويضاف الزيت وونزليه من الخلاط في اي بلاستيك اوصحن لخلط الدقيق ولبكنج باودر وبعد مانخلط الدقيق والبكنج باودر أنا قصيت ورق مشحم بدل الدقيق والزيت صراحه اسهل منه مافيه ماتلصق معاك الكيكه وصبي نص الكميه وكسري بسكوت أوريو وبسكوت الشاي مه رشه خفيفه نسكافه وشوكلاته هنتز وصبي الطبقه الثانيه ودخليه الفرن
بعد مايستوي ويبرد حطي بالخلاط أربع حبات كيري وأقل من النص نستله حليب مركز وضعيها فوقها وزينيها بالشوكولاه البوده طبعا وحبات الهرشي يسمونها دمعات و............ وبس
ياحلوات والله تعبت من التصغير والحمله والنزله ههه اتمنى أشوف لكم ردود طيبه ورجاء ألي معاها انتقاد ماله داعي ترد لان مره وحده تقول المفروض تزينها بشكل تاني غير كذا قصدها تزيني هادئ طيب انا حره وش لها هيه يوه ...... عصبت
أنتظركم : أختكم دفئ الأيام