حلو الطبقات من تأليفي

حلو الطبقات
الحلو هذا من ابتكاري سويته من يومين واعجب الاهل وايد .. فقلت اكتبه لموقعي المفضل حتى يستفيدوا باقي الفراشات
المقادير:
2 علبة كيك جاهز - امريكانا او ساراكيك فانيلا وكاكاو
الطبقه الاولى:
2 كوب حليب
2 م.ك نشا
3 - 4 م . سكر
1 اصبع كاكاو جالكسي
نص علبة قشطه
1 بيضه
فانيلا
تخلط المقادير بالخلاط ثه توضع على النار حتى تصير ثقيله وتترك جانبا على تصير دافيه
الطبقه الثانيه:
0غ جبنه كريمه ( كيري او فيلادلفيا)
1 علبةقشطة
3 ملاعق سكر
فانيلا
تخلط جيدا وتترك جانبا
الطبقه الثالثه
2 كاكاو سنكرز
1 كاكاو جالكسي
1 علبه قشطه
تحركين المقادير على نار صغيره حتى يذوب الكاكاو ويختلط مضبوط مع القشطه .. وتتركينه حتى يدفأ
الطريقه:
يفضل نستخدم قالب الجيزكيك - المتحرك
نقطع قالب الكيك الأول الى شرائح وتصف على اطراف القالب بالطول
وتصف طبقه على ارضيق القالب
نسكب الطبقه الاولى من الكريمه
نصف طبقة كيك أخرى ... نتركها بالثلاجه مدة 15 دقيقه
بعدها نسكب الطبقه الثانيه وبعدين الطبقه الثالثه ... يكون شكلها رخامي من غير ما تحركينها
تخلينها بالثلاجه مدة ما تقل عن ساعتين...
عند التقديم تفصلين الغطا الخارجي فيكون شكل القالب مره حلو لان شرائح الكيك تغطي الجوانب
واذا قطعتيه يكون عندك طبقات من الكيك والكريمه
صحيح المقادير كثيره لكن سهل وسريع
بالعافيه ... وسامحوني لان ما عندي صوره .. بصراحه ما اعرف انقلها على الجهاز
.