دجاج صيني بس يافراشات شي شي خطير

عندي لكم طريقة دجاج صيني بس شي شي *** وبصراحة بصراحة سويتها بعدماشفتها بموقع طبخ بس تحفه بسم الله نبدأ
المقادير :
مقدار من صدور الدجاج الجاهزة (صحن تقريبا اوصحن وشوي)
نقطع صدور الدجاج مكعبات صغيرة ونتبلها ب
ملح وبهارات مختلفة ( كزبرة , كركم , فلفل أسود , كمون) ,,,,, و نتركها شوي بالتتبيلة
على بال ما نجهز الزيت للقلي
ناخذها ونغمسها بالبيض ثم الدقيق ثم نقليها في الزيت الحار ونتركها لحد ما يتغير لونها ,,
نطلعها على ورق ماص للزيت لحد ما تخلص الكمية .
ألحين جاء دور الصوص نجهز ما يلي :
بصلة مفرومة
ثوم مفروم
بصل أخضر مقطع صغير
جزر مبشور أو مقطع قطع طولية رفيعة
فلفل بارد مقطع قطع طولية رفيعة
كرنب حسب الرغبة وفلفل حار حسب رغبتك بس بصراحة افضل تحطيه
نضعها كلها في شوية زيت زيتون ونشوحها لحد ما يتغير لونها
نبدأ ( بالبصل ثم الثوم ثم البصل الأخضر ,, الجزر ,, وأخيرا الفلفل البارد والكرنب
نجهز ملعقتين نشا أبيض ونذوبه في كاستين موية
نضيف له ( ملعقة كاتشاب ,, ملعقة صويا صوص , ملعقة خل أبيض أو اسود اللي متوفر
نخلطهم كلهم زين ونصبهم على خليط البصل ونحركهم زين لحد ما يثقل الخليط
ولا ننسى نضيف مكعب ماجي ****
( إذا حسيتي الخليط ثقيل ممكن تضيفي موية واذا خفيف زيدي نشا )
والآن اضيفي قطع الدجاج وحركيها بشويش لحد ما تتجانس المكونات مع بعض
خليها تقريباً عشر دقايق على نار هادئة
ثم قدميها مع الرزالابيض و السلطة الخضراء وانتبهي لاتاكلين اصابعك .
وبالعافية على قلوبكم ويافراشات اللي تسويه منكم تقول لي رأيها.