صينية وناسه اللذيذه

مساء/ صباح الخير يافراشات..
جبتلكم طبخه على كيف كيفكم
المهم كالعاده مااعرف اقول المقادير بالتحديد
يلا نبدا
يؤ نسيت اقول لكم وش الطبخه
الطبخه الله يسلمكم مالها اسم بس انا بسميها صينية ونااسه اللذيذه << اعصابك يالطباخه
اولا : خذي بطاطس وقشريها وقطعيها شرايح واقليها بالزيت
ثانيا: خذي جزر وقشريه وقطعيه شرايح واقليه بالزيت
ثالثا: اسلقي دجاجه الله لايهينك بعدين اذا سلقتيها قطعي بصل وحطي عليه زيت واذا بدا يتحمر حطي عليه كل البهارات اللي عندك وبعدها نتفي ام الدجاجه اللي سلقتيها صغار وحطيها فوقها وحركيها الين تقول بس..
وطال عمرك جيبي صينيتك وحطي الطبقه الاولى البطاطس والثانيه الجزر والثالثه الدجاج والرابعه البطاطس وبعدها غطيها بجبن شرايح ودخليها الفرن من فوق بس حتى يذوب الجبن
وبالعافيه ان شاء الله تعجبكم جربوها وعطوني رايكم ..