صينيه الدجاج بالجبن لذيذه جدا من مطبخ خجوله المبسم بالصور والخطوات

رجعت لكم من جديد بطبق ولا احلى من مطبخي
صينيه الدجاج بالجبن
الطريقه اخذتها من منتدى ثاني لكن غيرت فيها شوي
المقادير
صدور دجاج فيليه
بطاطس مقطعه ومقليه
زيتون اسود مقطع
بصل
صلصه طماطم < الافضل طماط بس ماكان عندي وحطيت الصلصه
جبن موزوريلا
جبن شيدر
فطر مقطع
التتبيله :
صويا صوص
خردل
مرقه دجاج ماجي
بهاراتك المعتاده
بودره ثوم او ثوم عادي
خل
زيت زيتون
فلفل اسود
الصوص :
جبن سايل
مايونيز
قشطه
الطريقه
يسخن الزيت على النار بعدين نحط البصل والثوم .. انا حطيت بودره الثوم
لما يذبل البصل نحط الدجاج ..
نخلط التتبيله ( نقطع مرقه الدجاج ماجي + خردل + بهارات + زيت زيتون + خل + صويا صوص + فلفل اسود )
التتبيله هذي من ابتكاري
نحط التتبيله على الدجاج ونغطي عليه لحد ماينضج الدجاج
بعد ماينضج الدجاج تقريب ناخذ نفس مقدار الصوره زيتون اسود ونفس مقدار الصوره فطر مقطع
نحطهم على الدجاج ونقلبهم ونغطي عليهم من 5 الى 10 دقايق بعدين نحط الطماط او الصلصه مفروض طماط
بس ماكان عندي فحطيت صلصله الطماط
مقادير الصوص
3 ملاعق جبن سايل 2 ملعقه مايونيز 3 ملاعق قشطه
نبدأ نعمل الطبقات
1/ الدجاج بالفطر والزيتون
2/ البطاطس المقليه
3/ جبن الشيدر
4/ صوص الجبن والقشطه والمايونيز
5/ جبن الموزوريلا
وعلى الفرن شوي تحت وبعدين نحمرها من فوق ..
النتيجه
ماشاء الله لاقوه الا بالله
شوفوا الجبن يتمطط
طعمها لذيذ اتعب وانا اقول لذيذه .. جربوها وبتدعولي .. وتراها خفيفه ماهي دسمه ..
احلى شئ تاخذون خبز تورتيلا وتحطون فيه خس وتحشونه من الصينيه وعلى الشوايه ... يمي طعم الاجبان وتتمطط وطعم الدجاج والفطر والبطاطس شئ خيال
اهلي مره عجبتهم ..
انتظروا جديدي اللذيذ ..