طبق الدجاج المشوي ومكرونة الخضار

السلام عليكم ورحمة الله وبركاته
هذا ياطويلات العمر من فتره ليست بالبعيده ههه
كنت جيعانه ومالي نفس ادور طبخه ولا اقعد اقايس بالمقادير قلت يابنت ادخلي المطبخ واتركي نفسك للخيال <<< الاخت اليس في بلاد العجائب
المهم دورت بالمطبخ طبعا بالاول اي لحمه اي بروتين <<<< سعودية وافترخ
طلعت ذيك الدجاجه وطبعا اشتهيت يوم شفتها الدجاج المشوي على الفحم ؟؟؟ وفي المطبخ ؟؟
بس الحاجه ام الاختراع طرت ببالي فكيره خطيره بس بقولكم عليها بعد شوي
بدات بتتبيل الدجاج بعد ماذوبت الثلج بالمكرويف الاخت جيعانه وماعندها وقت ونظفت الدجاجه مزبوط وقطعتها نصين وتبلتها
ومقادير التتبيله كالتالي
ملعقتين صويا صوص حلوه ملعقتين زيت زيتون ملح وعصير ليمونه وفنجان القهوة خل وبصله صغيره مع نص فص ثوم نطحنها ناعم
واخلط المقادير زين وافرك الدجاج بالتتبيله وادخل من التتبيله بين اللحم والجلد قد ماقدر
واسيبها تتبل
نجي للجزء الثاني من الطبخه وهي حبيبة قلوبنا المكرونه
اخترت شكل الصدف <<< مهم الشكل
سلقتها بمويه وملح وملعقه زيت عشان ماتتلاصق ومعاها ربع فليفله للنكهه مو مهم تقطعيها حطيها بحجمها
المكرونه كميتها حسب العايله ومستوى الجوع عشان كذا حطيت كرتون الا كم حبه ههه
وعلى مالدجاج بالتتبيله والمكرونه تنسلق تجيبي اي خضار عندك وتحبيه انا اخذت حبه كوسه كبير وحبه جزر كبير ووربع فليفله للنكهه ياذي النكهه الي ذابحتن
ونقطع بصل تقطيع صغير جدا ماحب البصل يكون واضح بالاكل
وناخذ القدر الصيني انا احب اطبخ فيه احسه واسع واتبحبح فيه <<< الاخت فاهمه غلط
ونحط فيه ملعقة زيت والبصل والخضروات الي قطعناها صغير واختيارك للخضار حريه شخصيه زي ماتحبي ممكن فطر بطاطس ملفوف بروكلي زهره اي خضار تحبيه بس انا ماكان عندي الا الي فوق
ونقلب لما تنضج الخضار وتذبل وكل ماكان تقطيعك متجانس وحجمه معقول كل مااستوت مع بعض
بعدها حطيت نص مكعب ماجي يكفي لان الدجاج والمكرونه مملحه على مالخضار تنضج اكون حطيت لي كمية فحم يعني ممكن نقول 4 فحمات او 5 متوسطة الحجم على النار
نخلص طبخ الخضار من هنا المكرونه تكون جهزت من هنا والفحم يكون ولع من هناك ههه
نضيف المكرونه للخضار بعد ماكون صفيتها من المويه زين ونقلب بشكل سريع ماتاخذ اكثر من 3 دقايق تقليب كافيه واطفي النار واغطيها
واخذ اللحم الي ولع
وهنا الحركتات حقتي تبدا <<<< ياخطيرة
اخذ الفحم احطه بصينيه وفوق الصينيه اي صينيه مخرمه او شبك شوي << مافي شي يعوقها لو جاعت
واحط الدجاج فوق الصحن المخرم او الشبك واحط قصدير اغلف فيه الصينيه كلها علشان تدخن مزبوط
ويبقى الدخان محصور ولا تنسين تشغلين الشفاط
تاخذ تقريبا ساعه او اقل كمان كل ماكنتي متبلتها زين وحجم الدجاج صغير كل ماقل وقت الشوي وبس سبتها بس بين كل فتره وفتره اقلبها على جهه للتاكد من نضوجها وتحميرها
وهذي الصور ياعسولات
الصورة الاولى للدجاج وهو تو بداية الشوي ماله الا ربع ساعه
وان شاء الله تكونوا فهمتوا الشرح في الشواية
وهذي المكرونه
واعذروني ماصورت وقت التقديم من زود الحماس والجوع مافتكرت الا بعد مااكلت