غدانا وعشانا اليوم وايد حلو لايطوفكم

سلام عليكم
بنوتات بنزل لكم اللي سويته اليوم<<<أسرع من السريع لأن باجر وراي دوام ان شاء الله
أول شي :
سويت غدانا
مندي دجاج
عندكم الوصفه اهني بهالقسم من إحدى الأخوات اللي نزلتها <<<ماصورتها لضيق الوقت
ثاني شي:
سويت سلطه عباره عن:
خس،زيتون أخضر،فاصوليا،طماطم،خيار<<<المقادير على كيفج
تآخذين مله او ماشابه حق السلطه تقطعين خس،طماطم،خيار
وبعدها تآخذين ليمون4عصريهم وخليهم على جنب
اخذي بعدين الزيتون وحطيه فوق الخضار المقطعه بعدين اخذي ذره وحطيها فوقهم
وأخيرا اخذي ليمون وصبيه فوقهم وأخذي جبنه مالحه إن لم تتوفر جبن كيري قطعيه مربعات
روعه جربوها مع الكيري طعمه لذيذ
هذا غدانا
العصر:
سويت قهوه المارس للأخت اللي نزلتها اهني
روعه يابنات جربوها يمي
عشانا:
سويت لهم معكرونه بنات انصحكم جربوها والله روعه
هذي المكرونه تختلف عن الأنواع الباقيه
المقادير:
مكرونه كويتيه اللي قرطاسها أزرق1أو2
جزر2مقطع مربعات وبصل مقطع شرائح
جبن شيدر
دجاج منتف أو لحم مفروم
بطاطس<<<على حسب الاشخاص عادي لو كثرتي
كوسا<<<على حسب الاشخاص حتى لو كثرتي بيطلع الطعمم روعه
معجون طماطم
كاتشب
فلفل
بهارات
ملح
نسلق المكرونه على بال ماتنسلق نآخذ الطابي وتحطين فيه قليل من الزيت ثم البصل مقطع شرائح
ثم البطاطس وتحمسينه لمده10دقايق ثم تحطين فوق البطاطس الكوسا والجزر تحمسينهم بعد
ثم تحطين الدجاج المنتف أو اللحم المفروم وتحطين ملح وبهارات واللي يعطي نكهه روعه بهارات مع
فلفل اللي تسمونه شطه وخلطيهم مع بعض لما يستوون بعدها جهزي البايركس وحطي المكرونه فيه
ثم الحمسه اللي سويناها اخر شي بشري جبن شيدر فوقهم وحطيها بالفرن
هذي صوره:
zoOoOm
للأمانه هذا من جهدي الخاص مانقلت سوى قهوه المارس والمندي بس
اما المكرونه والسلطه مني انا الوصفه
اتمنى تعجبكم
ودي لكم