فطونا امس واليووم لعيونكم مشاركة مني بمسابقة اجمل سفرة رمضانية

كل عام وانتو بخير يااحلا فراشات
مبارك عليكم الشهر
كيفكن مع اجواء رمضان عسى الله يعيده علينا وعليكم بصحة وعافية
رمضان كله خير وبركه لكن رمضان السنة غير هذا اول رمضان يمر علي وانا ممتزوجة
ومع زوجي تحت سقف واحد << قلت قصة حياتي ادري
المهم اخليكم مع فطورنا امس واليوم وان شاء الله يعجبكم
اهم شي صورة اللقيمات زوجي صورني وانا اغليه اسمعو الصووت تش
وهنا التمرة تمر بالبسكوت وجوز الهند وتمر عادي ورطب
وهنا السفرة كاملة
وكانت السفرة اول يووم مكرونة بالبشاميل ومغليات وشوربة وكريم كراميل ولقيمات
وهنا سفرتنا اليوم << المشاركه بالمسابقه >>
وكانت السفررة بروستد دجاج مع البطاطس ومغليات ولقيمات وشوربة وحلا الجالكسي لذيذ ماره
وان شاء الله تعجبكم سفرتي انتظر ارائكم ياحلوات
طريقة اللقيمات
كاس ماء صغير << هذا المقدار لشخصين
ملعقتين زيت
شوي حبة سوداء وشوي لون اصفر
واكب عليه الطحين اللي هو طحين البحرين الخاص باللقيمات الازرق لحد مايصير متماسك واخمره لمدة ساعة
ونص وقبل لااصبه اكسر عليه بيضه واحدة واصبه على طول وبالعافية
طريقة حلا الجالكسي
تصف طبقتين من بسكوت الشاي مغمس بالحليب فوق بعض بصينية الحلا
يذوب 4 جالاكسي بالمايكرويف ويضاف عليه قشطة ويحرك ويصب فوق البسكوت ويصف عليه طبقة ثانية
من البسكوت بس تكون طبقة وحدة
1دريم ويب و 1 قشطة و 3 ملاعق حليب بودرة وربع كاس موية تخلط بالخلاط لحد ماتصير كريمة
كثيفه وتصب فوق البسكوت ويوضع بالفريزر لحد مايبرد مره
ويزين بالهيرشي يقدم بارد وبالعافية
طريقة البروستد
يقطع الدجاج ويغمس بالخلطة التالية
ا زبادي + 4 ملاعق خل + ثوم + ليمون + ملعقة صويا + بهار + ملح + فلفل اسود + بيضتين
تخلط المقادير ويوضع فيها الدجاج من الليل الى وقت الغلي اليوم الثاني يوضع بالثلاجة
عند الغلي تغمسين الدجاج بالبقسماط والطحين وشوي شوفان وملح وبهار يخلطون مع بعض
ويغمس فيها الدجااج ويغلى بالزيت وبالعافية
بالنسبة للمغليات انا ماخذتها كلها من ام تركي اللي كتبت لها موضوع واللي تسوي مفرزنات ماشاء
الله تبارك الرحمن مغلياتها قمة بالروعة طعم وذوق واكيد واضح من الصور تسلم يدينها الغالية
اتمنى تكون الوصفات واضحة واي استفسار انا حاضرة