كروب رشيقات للابد من تنظم معي

السلام عليكم
بصراحة انا جديدة هنا بالمنتدى
و مملحكة ع الكروبات
فقررت اسوي كروب الرشاقة قبل العيد حتى نعيد و احنا مبسوطين ان شا الله
بنات لازم نتساعد و نقدم النصايح لبعضنا حتى ننجح بالريجيمات
و انا احسن ريجيم اعمله من 39 يوم و نزلت عليه كتير
و هو انو افطر مثل ما اريد( بس طبعا كميات قليلة حتى تتعود معدتي و تصغر و ان شا الله بعد الريجيم ما ارجع اكل هواية ) و نفس الشي ع الغدة و ورة ساعة 5 يعني اقصى حد للغدة ممنوع اكل شي
و كذلك ابتعدت عن الحلويات و المشروات الغازية حتى لو دايت و ضليت اتمشى ساعة بليوم
اذا تريدون جربو نظامي و ايضا الي عدهة نظام تشوف انه زين تحطه هنا علمود نستفاد منه
و همينة ( يعني كمان ) كل وحدة تكتب مذكرات ريجيمها و شنو اكلت اليوم
اوكي بنوتات؟
اني راح ابدي
اليوم عالريوك ( الفطور ) اكلت شريحة توست ( 36 كالوري ) و ملعقة لبنة
و عالغدة اكلت قطعة بيتزا متوسطة ( و ندمت ) فقررت انتقم و مشيت ساعة كاملة الظهر بشمس العراق الحارقة و تسوكت وية ( مع) ماما بحيث اتصور اكل اليوم كله انحرك ههه
و شربت وياهة ( معاهة) سفن دايت ( و لو هو ممنوع عني بس اشتهيته شسوي )
و رجعت العصر تمشيت ساعة لخ ( اخرى)
اتمنى الموفقية للجميع