من عندها طريقة المصابيب المراصيع

اب

طريقة عمل (( المراصيع ))
الطريقة والمقادير:
1- دقيق أسمر ( بر ) يفضل أن يكون دقيق بعل ( ما سقيء بلا مؤنة )
2- عجن الدقيق بماء دافيء بعد إضافة الملح والخميرة إنتبه لايكون مملوح من قبل ؟! .
3- تغطية العجينة لمدة ساعة تقريباً حسب الجو.
4- عمل المثايل باليد كما في الصورة :
5- وضع الصاجة على النار ودهنها بالزيت.
6- فرد المرصاع باليد ودهن اليد بالزيت حتى يمشي المرصاع بكل يسر وسهولة.
7- وضع المرصاع على الصاجة كما هو واضح في الصورة :
المرقه:
تقطيع فص بصل حسب الرغبة + زبدة + ملعقة صغيرة ليمون أسود + حبتين هيل حمس أو تكشين هذه المقادير على النار لمدة ثلاث دقائق بعد ذلك اضف نصف فنجال سكر + كوب ماء دافيء ثم رش المراصيع بهذه الخلطة كما هو واضح في الصورة:
هناء وعافية
دعوآآآآآآآآآآتك
تقبلي مرورري ...
strawberry 44

مساء الخير
عفوا اختي هذي مو مصابيب هذي كأنها زي المرقوق
والاخت مااتوقع تبي هذي لانها قالت فيها حليب وبيض
فهذي الطريقه
اول شي انا مااحط مقادير معينه يعني بالضبط لا احط وبس يعني بالنظر والتوقعات
نبدأ بسم الله
نخلط اولا...
البيض... اذا خلطتك شويه بيضه وحده تكفي واذا خلطتك كثيره حطي بيضتين
والحليب ... اي حليب مره احط بودره ومره احط حليب المراعي ومره احط حليب سايل زي مثلا بوني
يعني مااتقيد وكلها طعمها حلو
وسكر ... تقريبا فنجان
وخميره فوريه ... ملعقه اذا خلطتك شويه او ملعقتين اذا خلطتك كثيره
وذرة ملح اذا الدقيق مو مملح
وشوية زيت تقريبا 1/2 بياله اذا خلطتك شويه او بياله اذا خلطتك كثيرة
وسر الطعم هنا
بصل... قطعي بصله صغيره مكعبات مره صغيره
واذا خلطتك كثيره خلي البصله حجمها وسط وقطعيها مكعبات مره صغيره
وبس هذي المقادير...
اخلطيهم مع بعض زين
وحطي عليها مويه على قد المقدار اللي تبغين العجينه تصير كثره.... ان شاء الله فهمتيني
بعدين حطي الدقيق طبعا ماتصير العجينه ثقيله زي عجينة الفطاير
لا تكون العجينه خفيفه شوي تقريبا زي عجينة البان كيك او اخف شويه
وبس...
حمي الصاجه زين خليها تصير حاره بعدين حطي في منديل شوية زيت
ثمادهني الصاجه بعدين صبي المصابيب الحجم اللي تحبي
مثلا اهلي يحبونها حجمها شويه صغير اصغر من البان كيك
وحمولتي لا يحبونها كبار شوي اكبر من البان كيك
صبيها على الصاجه بعدين اقلبيها للجهه الثانيه وبس
بعدين حطي زبده على النار الين تذوب شيليها من علىالنار وحطي عليها عسل
حركيهم مع بعضثم صبي فوق كل صبيبه من الزبده والعسل الين تنتهين
ثم قدميها.. وبالعافيه
حاولي تقدمينها حاره
يعني مثلا خلي زوجك يجلس بالطاوله اللي بالمطبخ وانتي صبي وعطيه وهي حاره
والله يعينك كل يوم بيقول لك ماودك تسوين لنا مصابيب
ههه
لانسينا من الدعاء
تقبلي مروري
اختك عمة المها

الله يجزاكم خير
عمة المها انا مثلك دايم طبخاتي بدون مقادير محددة علشان كذا مرة تضبط ومرة تخرب الطبخة علشان كذا قررت اني اركز على المقادير المضبوطة

حددي مراصع او مصابيب يختلفون

شوفي اختي هذي طريقه اخذتها من المنتدى وسهله للغايه وان بغيتيها بالطحين الابيض او بالبر كلها تشبه بعض بس انا افضلها بالابيض لانها اسهل وتخلص بسرعه وكمان طريه كثير
شوفي حطي في الخلاط :
نص كاس دقيق
كاس حليب سايل(مثلا حليب سعودي او حليب نيدو عادي)
بيضه
رشة ملح او سكر
واخلطيها زين وبعدين وزعيها زي طريقة صب المصابيب من الجهتين بس انبهك تراها بسرعه تتحمر بثواني
واذا بغيتي كميه كثيره ادبلي المقادير مثلا
كاس دقيق
وكاسين حليب
وبيض2
وملح وسكر
اتمنى تعجبك واذا اضبطت معاك امانه ادعي لي بنفس الدعا اللي في توقيعي..

والله انا امي تسويها
بس طحين بر
وماء
وملح
بس
وخليها العجينه سائله
وتسويه على الصاج واذا خلصت تحط معها زبده وعسل بس روعه
اخوي اذا جاء دوره الفطور بالدوام يستانسون اخويه علشان امي تسويها له
حتى العقيد مديره بالعمل اخذ الطريقه
سهله وطعمها خيال مع الشاي

الله يجزاكم خير ممكن اعرف ايش الفرق بين المراصيع والمصابيب