والله ادعي لكم بالظهر الغيب تعالوا شوي

مرحبا
حبيبتي ادخلي موضوعي (ملف لذيذx لذيذالمصور) راح تلاقي وصفة برياني
ودجاج مشوي بس بطريقة جديدة
الصفحة 4

هلا اختي الغاليه
جزاك الله خيرا
اسال الله رب العرش العظيم ان يوفقك في حياتك
اسال الله رب العرش العظيم ان يسعدك في دارين
اسال الله رب العرش العظيم ان يرزقك الزوج الصالح يخاف الله فيك ويموت فيك ولايتزوج عليك ولا يفكر غيرك اذا كنتي غير متزوجه
اسال الله رب العرش العظيم ان يسخر لك زوجك واهلك واحبابك ويحنن قلوبهم عليك
اسال الله رب العرش العظيم ان يرزقك الذريه الصالحه
اسال الله رب العرش العظيم ان يغفرلك خطاياك
اسال الله رب العرش العظيم ان يحشرك مع الرسول واصحابه واحبابك
اسال الله رب العرش العظيم ان يدخلك الجنه عرضها السموات والارض
اسال الله رب العرش العظيم ان يوسع لك قبرك ولا تحرمين ريحه الجنه
اللهم امين

لعيونك (فروج الطازج)بطريقه منزليه
اقطعي الدجاج (ويفضل يكون فروج)من منطقة الصدر فقط بحيث تبقى متصله من الظهر واغسليها مع فركها بليمون حتى تروح ريحتها
وبعدها سوي الخليط التالي بالخلاط
بصله +3فصوص ثوم+عصير ليمون (وكثري)+لبن زبادي+ملعقة خل+ملح+فلفل اسود حسب الرغبه
وتبلي الدجاج بالخليط واتركيه منقوع فيها قد ماتقدري ساعه ساعتين ثلاثه
بعدين تخرجينه من الخليط وتشوينه بالفرن من اعلى واسفل لحد مايستوي ويحمر
وقدميه مع رز ابيض بالمكسرات وسلطة الطحينه وسلطة الطماطم الحاره ...........وبالعافيه
(وادعيلي بالولد الصالح )ترى دخلت عشان الدعوه

مو لازم كبسه كل يوم ممكن محاشي صينيه خضار صينيه بشاميل لازانيا
اما لو صار لازم كبسه
ممكن تسوي رز بالشعيريه
مع مقلقل دجاج او مع دجاج بالطريقه الصينيه مع رشه سمسم
وممكن تجيب حبه دجاجه والافضل تكون مبرده او تكون ذايبه
وتتبليها بعصير ليمونه وملعقه خردل وبهارات وخل مشكله ملعقه ورشه فلفل اسود ورشه قرفه وملعقه كمون
بعد ما تتبلينها تتركيها ساعه
وتحشيه جوه ببصل وجزر وفلفل حار او فلفل اخضر
وحطيها بصينيه تكوني حاطه تحت الدجاجه بصل او كوسه او بطاطس اهم شيئ عشان ما تلصق الدجاجه
ودخليها لفرن حامي
وحمريها من فووق
ثم طفي النار من فوق
وخفضي حراره الفرن ل150واتركيها ساعه
وقدميها مع الرز تطلع جنان
وومكن تسوين رز بطريقه المندي واذا تحبي النكهه جديده استخدمي مويه الكادي قطرات صغيره بسس
وهذي الطريقه تصلح لما تكوني مشغوله
لانها سهله ومايبي لها حوسه مواعين
وممكن تسوين برياني هندي
واذا انتي تطفشي من التفكير
رتبي طبخاتك بورقه وقلم وجدولي كل يوم ايش بتتطبخيين
كذا افضل وكمان حلوه عشان الخضار اللي في الثلاجه ما تخرب وانتي ناسيتها
والله يوفقك

اب ..

بسم الله الرحمن الرحيم
يالله ياكريم يكون لي نصيب من الدعوات الحلوه
تعرفين كيس الشوي؟؟ كيس لشوي اللحوم والاسماك ينحط بالفرن ويطلع الاكل ولا الذ
هذا بيحل لك ازمات وسريع
وممكن تحطين الخلطه الي تبين على الدجاج وتحطين الدجاج سوا كامله ولا قطع بالكيس وبالفرن وهي راح تتحمر من نفسها بس اذا مستعجله اول ماتستوي تفكين الكيس بمقص وتفتحين النار من فوق ويتحمر .. وكمان تقدرين تبهرين الدجاج بالبهار الي تحبينه وتحطينه بالفريزر ومتى ماجيتي تطبخين بس تطلعينها وبالكيس مع بصل وخضار وممكن تحشين الدجاج رز وخضروات وبالفرن اسهل من كذا مافيش ادري طولت عليك من غير لا اعطيك الطريقه بس حبيت اوضحلك فوائد الكيس
موجود بكل محلات البلاستيك ماركه لووك وهنا بالصوره مدبلين الكيس مدري ليه
اول شي قولو ماشاءالله تبارك الرحمن ترا الكيس هذا الشي الي حاطه حيلي فيه خ يعني ماعندي غيره كل طبيخي فيه ربي يخليلي جدتي ويطول بعمرها ويعطيها الصحه والعافيه قولو امين هي الي علمتني عليه وصرت كل ماشفت خلطه بالتلفزيون طبقتها بس بالكيس
طريقه 1
بعد غسل الدجاج بالملح والخل والدقيق بهري الدجاج ببزارات مشكله مع كتشب ومايونيز مع ثوم بودره وبالكيس
طريقه 2
بهارات مشكله ممكن تغيرين بدال البازار الخليجي حطي اعشاب مشكله ايطاليه وفرنسيه مع شوي ليمون وزيت زيتون صلصله طماطم وجهزي خضار مقطعه كبير بصل وثوم الخضار الي تعجبك واحشي الدجاجه بصل وثوم وطماط ونص ليمونه ودخلي الدجاج والخضار الكيس والفرن
طريقه 3
ممكن تستخدمي بهارات هنديه ونفس الشي احشي الدجاج اذا هي كامله طماط وثوم وليمون وبصل وفلفل اخضر
وممكن تحشين الدجاج باي حشوه تبغينها حتى لو رز بس يكون نص سوا .. وتحطين اي خلطه تعجبك كل الخلطات وغيرها جبتها من النت او الكتب او احد قالها لي بس هم يسونها بالفرن والقصدير وانا استخدم الكيس مدري احس الدجاج يطلع طري مو ناشف زي القصدير غير انه يتحمر احسن
بالنسبه للرز بكل الطرق الي فاتت الكيس راح يتجمع فيه مرق الدجاج .. فانتي انقعي الرز وبعد ماتصفينه من المويه حطي على النار بصل وزيت مع بهارات عدله ولاتنسين ورق الغار وحطي عليه الرز برضوا يتحمس شوي وبعدين اضيفي مويه حار بس اقل من الكميه المعتاده .. ولما يستوى الدجاج خذي المرقه الي بالكيس وحطي منها على الدجاج وخليه على نار هاديه الين مايستوي استوى كامل وبيطلع لك طعم باذن الله يعجبك وللتغير اضيفي بهارات الكبسه الي تجي جاهزه عند العطارين بعد ماتضيفين المرق
كيس الشواء تقدرين تستخدمينه للحم كمان والاسماك
وفي طريقه بكتاب النخبه مره طعمه صينيه الرز بالدجاج مع الجبن
رز مصري تسلقينه وتكثرين المويه شوي علشان يكون معجن اذا تبين بالبصل والبهارات طبعا اطعم
تسوين دجاج بالطريقه الي تعجبك سلق ولا بالفرن او على النار والافضل يكون قطع كبيره شوي .. ممكن هدوق
حطي خضار مشكله على النار الي تحبين ممكن مجمده اذا تبين اسرع واضيفي له الدجاج مع البهارات حطي اعشاب فرنسيه ممكن ماجي ثوم بودره
صينيه الفرن حطي فيها الرز وفوقه الخضار مع الدجاج واضيفي الخلطه التاليه جبن كاس مع قشطه وثوم بودره وشوي اعشاب ودخليه الفرن لحد ماتجمد الخلطه شوي وممكن تضيفين عليه جبن