الرز البشاور والحشو فوقه يمي يمي يمي

صبايا انا كنت على المسنجر و اوصف لصديقتي طريقة الرز اللي صورته فوق قلت خل احطه لكم و احط لكم المحادثه لانه مالي خلق اكتب مره ثانيه سامحوني ,,,
: شوفي بوصف لك مقدار كاس رز
: وانتي عاد بعدين اقسميها واضربيها لين تطلع حسبتكم طيب
: يالله نبدا بسم الله
: تاخذين كاس رز و تنقعينه بمويه معتدله لمدة نص ساعه
: وتجهزين القدر و تحطين مويه بس ما تكثرين مثل مويتكم لرزكم ذاك لانه هذا ما يبي له مويه واجد
: تحطين الملح و الزيت
: ولا تكثرين زيت مره
: تحطين الرز عليه
: وتشوفين المويه اذا مقدار كاس رز لازم المويه تصير فوقه لمقدار انش
: يعني 2 سانتي
: عرفتي؟؟
واذا لمقدار اهلك خلي 2 انش
: تسكرين الغطاء وتقصرين له على تحت مو تنملين له لا
: لين تحسين بدت تنشف المويه
: عاد تنملين له
: يعني النار تصير كبر النمله
: علشان يستوي على نار هاديه وتطول عصاقيله ههه
: صديق اخوي ذاق هالرز عندنا انهبل عليه يقول عصاقيله طويله
: المهم
: وخلال ما الرز على النار
: انتي بتسوين الحشو
: لازم تسوينه اول ما تحطين الرز
: لانه اذا بدى الرز ينشف و نملتي له
: تاخذين الحشو وتذرينه فوقه و تغطين عليه تخلين الرز تتشرب النكهه يمي يمي
: الحين نروح للحشو
: الحشو
: ممكن تسوينه قبل تسوين الرز علشان ما تتوهقين
: تاخذين بصله كبيره
: هذي تكفي عائلتكم
: وتقصينها صغير صغير
: اذا خلصتي
: حمي المقلى
: وحطي البصل عليها بدون زيت
: وخليه لا تحركينه ولا شي
: المطلوب انه تنشف مويه البصل
: تخلينه يمكن دقيقتين
: وبعدين جيبي بياله فيها مويه و صبي عليه
: بس لا تغرقين الدنيا بس بمجرد انه تطلع البني اللي بالمقل علشان يتشربه البصل
: وتحوسينه علشان البصل يكتسب اللون البني
: وتخلينه مره ثانيه لا تحوسينه
: خليه لين تحسينه نشف
: مره ثانيه و حطي مويه
: بتشوفين المويه صارت بنيه و حوسي البصل معها
: وخليه ينشف
: واذا تبين تسوين الطريقه مره ثالثه سويها
: والا اذا شفتيه نشف
: تكونين مجمزه زبده و ملعقه كبيره كركم و ملعقه قرفه
: وتحطينه على البصل
: وبيبدى يتشتش و يكتسب اللون البنت
: كله
: ولازم يكون باين انه فيه زبده
: اذا ما بان زيديه زبده
: و بعدين خذيه وكبيه على الرز وحركي وجه الرز بالملعقه علىشان يمتزج معه
: وخليه خمس داقايق وبس
عاد استاهل دعوه حلوه من القلب