القشد طبق سعودي وبالصور

المقادير:
¾ أصبع زبدة إلى أصبع
كاس ونص طحين بر
كاس أو أقل (حسب الرغبة) تمر كنيز بدون القمع والنوى ..
يعني شيلي النواة والقمع منه
أنا أحط تمر
نقطة مهمة: لا تحطين تمر معبوط أو اللي يسمونه معجون التمر
½ علبة زبادي
فيه ناس يحطون لبن .. لكن عندي الزبادي ألذ
الطريقة:
نذوب الزبدة
ثم نضيف الدقيق ونحرك بالملعقة الخشب باستمرار
بعدين نضيف التمر
ونحركه بسرعه ونخلطه مع بعض .. والتحريك يكون كأنك (تدقين)
يعني شفتي لما تدقين شيء في النجر (الهاون = الجرن)
كذا تسوين تدقين التمر عشان يتجانس وبعدين تقلبينه شوي وبعدين تدقين وتقلبينه
لحد ما تحسين ان التمر تجانس مع الدقيق ..
والأفضل تكون بعض قطع التمر باينة يعني مايصير معجون تماماً
بعدين أضيفي الزبادي وقلبيه بسرعة قلبتين بس ..
وارفعيه من على النار .. وقلبيه شوية
وبعدين حطيه في الحافظة
يقدم مع القهوة
أو الحليب الساخن المخلوط بالسكر و الزنجبيل والهيل والفلفل
وبالهنا والشفا