غداءنا نباتي بس لذيذ

اليوم قررت اشارك عندكم لأاول مره
احترت اليوم بالغداء قلت اسوي غداء بدون دجاج او لحم او سمك
بس للاسف ماتذكرت التصوير الا بعد ماشفت الصحون فاضيه
نبدا بالطبق الرئيسي
رز مكسيكي
وحلقات البطاطس المقليه
وسلطة كوسا
وسلطه خضراء
وملوخيه
نبدا بالرز
نقعي رز انا عندي استخدمت ابو كاس
بس لا يطول مره
بعدين حطي في القدر ماجي ومويه وشويه ملح وملعقة سمن او زيده
وحمري بصل شرايح في ثلاث ملاعق زيت وفلفل بارد اخضر واذا توفر اصفر واحمر واذا تحمر اضيفي له فلفل اسود وملعقة كركم وكمون وشوية ملح
اذا قرب الرز يستوي اضيفي الخلطه هذي اللي سويتها البصل والفلفل فوق الرز وقلبيه على الخفيف وغطيه شوي وخلاص طفي النار عنه
اتركيه شويه بعدين اغرفي منه عشان ياخذ النكهه
سلطه الكوسا
ثلاث حبات كوسا متوسطه مقطعه دوائر ومسلوقه
نعناع وبقدونس
ملح وزيت زيتون وخل
افرمي البقدونس والنعناع تقريبا ربع حزمه من البقدونس والنعناع شوي بس عشان تعطي نكهه على الكوسا واخلطيه ورشي الخلطه من فوق الزيت والخل والملح
وقدميها
السلطه الخضراء طماطم وخيار وخس وملح وليمون وخل
والملوخيه اتوقع الكل عارفه
اتمنى عجبكم وشرفوني بموضوعي وارفعوه