ودي اطلب بس مستحية ممكن تساعدوني

والله كان ودي أساعدك
بس أنا ما أعرف الطريقة
وما حبيت أمر وما أرد عليك

أنا ما أعرف الطريقة

والله ياحبيبتي انا مااعرفها
وان شاءالله الفراشات يفيدونك

السلام عليكم ورحمة الله وبركاته
بصراحه من زمان ماشاركت في المنتدى ولكن اتصفحه كل فتره..
لكن استغربت ان فيه احد مايعرف القرصان وخاصه في السعوديه هذي اكل شعبيه معروفه وخاصه في نجد عموماُ حبيبتي القرصان عباره عن قرص كبير مدور يسوى على مقرصه كبيره مقعره اسفلها نار العجينه
من البر ويكون رقيق جداُ ويابس مثل المسح اذا تعرفينه يباع في محلات القرصان المتخصصه في مجموعة اقراص وبعض الناس يسونه في البيت لكن قليل منهم..
طريقة القرصان وطبعاُ تختلف من ناس لناس لكنها تكون متشابهه
وهذه طريقته وبصراح ماعمري سويته لكن اشوف امي وبعض الحريم يسوونه بالطريقه هذى
طبعاُ تسوين كشنة بصل وطماط وبعدين تحطين عليه صلصه اذا رغبتي ثم قطع صغيره من الحم ثم
الخضار اللي تحبين مثل جزر وكوسه وفاصوليا وممكن قرع وبهارات
وتقطعينها قطع صغيره جداُ ثم تضعين عليه 3-4 كاسات ماء تقريباُ واتركيها حتى تستوي الخضار ملاحضه القرع
يوضع في الاخير لأنه يستوي بسرعه.
بعد ذلك تجيبين زبديه كبيره وتحطين في القاع قليل من المرق ثم تضعين كميه من القرصان مع التكسير كسر كبيره لاتفتتينه ثم تبلينه بالمرق والخضار وهكذا طبقات بشرط لاتكثرين المرق عشان ما يتشرب و صير مثل العجينه ولا تقللينه فيصبج ناشف واذا تحبين حطي بين الطبقات بصل مقطع مع بهارات شوي مع شوي زيت زيتون ثم يرش على الوجه يعطيه طعم حلو ثم قدميه بالعافيه عيوني..

الله يهديك
القرصان اخت المرقوق
بس الفرق ان العجين يكون مقطع صغير في القرصان
والمرقوق تحطينه قطع كبيرة وتقطعينه بالقدر
.

الله يعطيكم العافية ياحبيباتي
وخاصة اختي اوركيدا عرفتها الحين بس احنا نسميها باسم ثاني
شكرا باي

العفو حبيبتي هموسه.. وأي طلب امري..
حبيبتي مليكة قلبه .. فيه فرق واضح بين القرصان والمرقوق في الشكل والطعم ..
انا معك ان المقادير متقاربه لكن عجينة القرصان تخزن وتكون ناشفه هشة الكسر اما المرقوق طازجه وتكون اسمك قليلاُ من
القرصان وطريقة الطبخ تختلف ايضاً..
القرصان يكون متماسك اما المرقوق يكون شبه سائل.. ولكم جزيل الشكر...