يومي الرمضاني يوجد فلقات بالداخل

السلام عليكم ورحمة الله وبركاتة ..
كيف حالكم مع رمضان ..
اليوم جيتكم مع افطار جديد وغير .. مع اكشن عسى عدوينكم يذوقون هالاكشن
طبعا اليوم صاحية من بدري من 10 الصبح < عكس الناس سبحان الله
ايام الدراسة والدوامات مانام الا الصبح وهالحين صرت اصحي بكير وانام بكير < نظام غبي
طبعا بطل فلم اليوم هو ( يزيد )
ينام معي ويصحي معي
بس احلا شيء اني من اذن العصر وانا خالصة من كل شيء حتى المواعين مسبعتهم
واخذت شاور ولا احلا شاور .. وانتظر يقرب صلاة المغرب عشان اسوي قهوة ..
طبعا راح اختصر قرق وكلام ..
طبعا فطورنا ع فترتين
الفترة الاولى مع الاذان ( قشطة & تمر & قهوة & ماء بارد يرد الروح )< ماصورتهم ابدن
ثم صلينا وجلست اقرأ ماتيسر من القرآن ..
بعد الاذان يصير ال هم هم
نبدأ ..
طبق شوربه شوفان ..
وصينيه كرات البطاطا .. ( اول مرة اسويها اخذتها من النت اليوم )
مانتو بس تسذوب < يعني كذاب
وبس هذا فطورنا لليوم...
احب البساطة وعدم التكلف بالفطور
والحمدلله ماصرت ارمي شيء مثل رمضان العام الماضي
والآن مع الاكشن ..
واثناء ما احنا نفطر .. شياطين يزيد انفلتت اليوم او بالعربي شكل شياطينه وشياطين اقارب شياطينه اليوم كلهم براسه
طعا ماتركنا بحالنا اليوم وحنا نفطر .. هذا يرميه وهذا يكسره الى ان سوا جريمته وهو ..
7 7 7
كسر الابجورة
ولكن قصة الوحش لم تنتهي
اثناء ما الهازند يصلي التراويح بالمسجد , انا ارتشف الشاي واتفرج ع مسلسل بنات الثانوية ومندمجه معهم ..
مادريت بغفله الا بصاروخ جوي ارضي ماشي 1000 كيلو .. ومادريت الا بشي مثل البرق برأسي
تدرون وشو !!
الريموت ضربني فيه يزيد ضربه وربي من آلآمها اني قمت اصيح وربي صياح + الدموع اربع اربع
تتقولون تبالغ ,, لكن عسى ماتذوقونها يارب
والحين جبهتي جهة اكبر من جهه
وانتهى يومي وانا بيدي هذا الشيء
7
بالله شرايكم في يومي الرمضاني.. مو اكشن فلقات